تُعْتَبر جُمهورِيّة مِصر العربية من أجمل الدّول العربيّة التِي تَضُم الكثِير مِن المعالم السياحيّة وَالحضاريّة وَالامَاكن الأثريّة التِي يَقصدُها الزّائرِين العَرب والسياح الأجَانب مِن كل مَكان فِي العَالم، كثِير الكلام في حب مصر لا يكفي وَصفُها، مصر التي يوجد بها معلم حضارِي كَبير ومشهور وهي الأَهرَامات التِي تشهد اقبالاََ كبيراََ مِن الزائرين في فصل الصيف وفي الإجَازَات وَالعُطلات الرسميّة، مصر هي امّ الدنيَا كما يطلق عليها العرب وهي تُعتبر الواجهة الاولي التي يتَمنّي زِيارتها كل من يفكر في السفر لقضاء اجمل الاوقات، ومن هُنا نقدم اجمل كلام في حب مصر يعبر عن الحب الذي بداخلكم لمصر .
اجمل كلام في حب مصر
نَحن الجنود
ابنَاء الأسود
ابناء مِن عبرو وحطمو القيود
ابناؤك يَا مصر الخلود
نُعاهدك يا مِصر بأن نكون
فوق الجبال تَحت التلال أمامها أسود
سفينة الحق تَجرى أمامك يا مصر
تحمى السلام
تبث الأمانَ ترمى الورود
شراعها يطوِى السماء
يشق البحار وَالانهار يبغى النهوض
يا مصر اذا كانَت حياتنا ثمن بقاءك
ها هيا تبغى الخلود
نحن الجُنود نطوى السماء
نرفع الرّايات خلف الحدود
شعارنا للمجد للعلا للصعود
مصر الخلود بحمى رجالك الفهود
لن نخاف الموت وبدمائنا نحمى العهود
واذا العَدو يوماً تطاول
فنحن يا مصر الصمود
بالأمل لا بِالغرور نحقق السلام نبث الامان نرتقى الى العلا الى الامام
يا مصر عِشتى وعاشو رجالك
أوفياء أقوِياء شجعان
كانو يا مصر النور
لما كان فى الدنيا الظلام
كانو يا مصر السفينة
لمّا كانتْ ساعة الطوفان
رجَالك يا مصر حربو
ضحّوْا عَبروا
رجالك يا مصر قالوا
تحيا مصر ويسقط الطغيان
بص شوف يا جندى واسأل
عن رجال كانو هناك
على أرض سينا الغالية
فوق الرمال وقفين
صحيين وسلحهم بين ايديهم
وحالفين ما ييجى يوم عليكى يا مصر تعيشى فى ظلام
بص شوف يا مصرى وأسأل كام سنة عشنا فى سلام
ومين يا مصرى ضحى بحياته
ومين يا مصرى عايش ولسة شايل ذكرياتة
كلام في حب مصر
مكتوب في بطاقتي الشخصية
انا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك موشومة
و صوتي نغم سمسمية
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي
علي روح الوحدة الوطنية
مكتوب في بطاقتي الشخصية
كلام في حب مصر
مصر ياأم الحضارة والعصر مصر يا أم الطيابة والأصل
مصر يا أم النيل الجديـــــــد مصر يا أم الوادي الجديــد
مصـــــــــــــــر بلادي أحبها من كل دمي وفؤادي
مصر ياأم الاراضي الخضراء مصر يا أم السماء الزرقاء
مصر يا أم العلم والعلماء مصر يا أم الفقه والفقهاء
مصـــــــــــــــر بلادي أحبها من كل دمي وفؤادي
مصر يا أم الجبال الصفراء مصر ياأم النخيل الخضراء
مصر يا أم المياة العذباء مصر يا أم القلوب البيضاء
مصـــــــــــــــر بلادي أحبها من كل دمي وفؤادي
مصر يا أم الشعر والشعراء مصر يا أم أمير الشعراء
مصر ياأم المنيا عروس الصعيد في الدنيا
مصر يا أم الاسكندرية عروس البحر الأبيض دي حاجة تانية
كلام في حب مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجداليشتد