قصائد زواج مكتوبه 2025

يغنيه وسيعًا فضله فهو الغني عطاؤه مشكور

أمر النبي بذات دينٍ زوجة فاظفر بذات الدين هنّ الحور

المال يفنى والجمال وديعة والجاه يبلى كل ذاك غرور

الباقيات الصالحات ذخيرة مذخورة ونعيمها موفور

ليس الزواج لشهوةٍ وغريزةٍ إن الزواج تعففّ وطهور

ليس الزواج ستار أطماعٍ وما تغني عن اللب الشهي قشور

ليس الزواج لنزوة عابرة ذاك انفعالٌ فتنة تغرير

إن الزواج وظيفة ومهمة ورعاية وتحمل صغير

إن الزواج تصبرٌ وتجلد وعناية ما حقها التقصير

إن الأبوة خدمة وقيادة وتودد وتعقل وأمور

أمر بكل فضيلة في أهله للمكرمات يقودهم ويسير

إن الأمومة عطفها لا ينقضي ومقامها في التضحيات كبير

كان النبي معلماً في أهله وهو الرسول مبشر ونذير

خير الأنام وخيرهم في أهله في خدمة لعياله مشهور

يرعى صغيرهم ويحفظ عهدهم خلقٌ بفرقان الهدى مسطور

يحمي النساء يصونهن عفافه وهو الأنيس المؤنس الستير

فرض الحجاب وقاية وحماية ومن النفوس رقابة وضمير

وسع النساء بحلمه وأناته والحلم طبعٌ في الرسول شهير

زوجاته نبع الفضائل والتقى الطاهرات وزوجهن النور

للطيبين الطيبات وللألى خبثو خبيثات لهن شرور

الله طهر آل بيت محمدٍ بيت النبوة روضة وعطور

أقفى بالأمس عيد وهل عيد جديد

تسعد به الأحباب وتغرد له الطير

بحضور كل الحبايب تكبر الفرحة وتزيد

واجتماع الأهل خير على خير

متشابهه كل الليالي

أما ليلتنا غير

من فرحنا للحب نغني

وإحساسنا إحساس طير

الليلة من قدنا في فرحنا وحبنا

الكل يدعي معانا الله يتمم بخير

الليلة ليلتنا غير

من اندعى وقال حاضر

من كل قلبي يا هلا

مليون مرحب ومرحب

لكم كل الغلا

سمعونا غطروفة حلوة

سمعونا للحب غنوة

فلو الشعر يا بنات

وارموا ورود وعبير

الليلة ليلتنا غير

أقبلت نور الليالي يا زين خطواتها

يزفها كل الحضور وأمها وأخواتها

ارموا عليها الزهور

اشعلوا الدنيا بخور

ولا أحد يغار منها

أميرة واللي أخذها أمير

الليلة ليلتنا غير

صلوا على محمد ريح العطر والعود

من ليلة ماي قدر يعيد الكون هدبها

هذه الليلة نور نورها زود

والسماء نجومها أضوت في ذهبها

كيف ما تضوي والكل حاضر وموجود

بشوق المحبة نلتقي من سعدها

عروسنا العروسة ياكل الحسن فيها موجود

يغار منها البدر من طلة هدبها

عروسنا العروسة يا بنت الأصل يا بنت الجود

فيك القصايد ما توفي سببها

عريسنا العريس ياكل الشهامة بلا زود

ولد الرجال والمكارم هو أهلها

والله يجعل أيامكم حب وورود

وسعادة يحكي بها الكون ويعجب بها

من صميم القلب قلت أحلى القوافي

أتفنن في حروف أروع قصيدة

للعروس اللي لابسة ثوب الزفافي

(اسم العروس) اللي بزينها صارت فريدة

اسمها ( اسم العروس) والاسم كافي

لو صاغها الصايغ ضيع نشيده

(اسم العروس) عليها من الحسن والعفافي

شيء كبير أكبر من إننا نجيده

كاملة ومكملة بكل الأوصافي

ما يزيدها الذهب لمعة هي تزيده

وجهها كالبدر منور وصافي

سبحان من خلا ملامحها فريدة

بشوفها تحقق كل الأطيافي

والأحلام بشوفتها تصبح أكيدة

فيها جمال الكون بكل الأصنافي

ياعسى أيامها دايم سعيدة

من شافها قال رحماك يا معافي

أشهد إنها بزينها صارت فريدة

من زينها شابت حروف القوافي

ما لوم قصيدي لو وقف وريده

أبيك تصدّق إنّي لو غبت العمر ما أنساك

ويرسم للغلا صورة ملامحها أنا ويّاك

رجيتك لا تخلّيني وخذ كلّ العمر ويّاك

ظروف الوقت لو جارت وخلّتنا نعيش بعاد

أكيد أن للزّمن وقفة تجدّد لحظة الميعاد

يا مرحباً باللي تَعذّر بالأشغال

من خافقٍ طَربٍ ومن فكر مشغول

مشغول فيك ومنّك يا طيّب الفال

ويشهد عليّ الله على كلّ ما أقول

هَبّ الهوى منك وعودي الخَضَر مال

وفتحت لك صدري؛ لك العَرض والطّول

وعلّقت في مجلس هَل الحبّ تمثال

ألماس ومطرّز حروف اسمك بلول

وغنّيت لك في يوم عشرين موّال

وفيك أنت يالمزيون يَقصر ترى القول

وجيت أوصفك ثمْ وَقّف الحبر ما سال

والّلي سألته ليه؟ قال أنت مهبول؟

بتضيع في عودٍ ليانٍ وميّال

وبتصيح ما شاء الله يسلملي الطّول

وبتموت من عينه ومن رمش قتّال

وبتذوب في ثغرٍ به الرّيق معسول

وبتقول يا عمري ترى كثر الأشغال

تذبح خفوقي لا عطيتيه مشغول

يوم أقبلت أحلى عروس صابت الصالة سكون

عم هدوء كل المكان والكل يناظر زينها

الناس من كثر الجمال ماهية مصدقه العيون

يحسبون أنها ملاك يوم رمشت في عينها

لولا خوفها على الحضور يصيبهم عشق الجنون

كان ضحكت بشفاتها أو أشرت بيدينها

حرف الميم بداية أسمها معطر بعطر الدخون

والنون ثاني حروفها معطيها بهجة مع شجون

النون زودها حلات وزود حلا لسنينها

والألف آخر حروفها يعطيها فن من الفنون

الألف ختام لاسمها منى الله شزينها

الخير طير بقدومها غرد على كل الغصون

الخير كله يا ملا في قلبها وفي أيدينها

الورد خدر في كفها من لمسه الكف الحنون

يذوب من لمسة أيدها وعطرها وحنينها

ومالوم أنا الصالة اذا صابها صمت وسكون

مادام منى هي العروس بنسكت ونطالع زينها

يا مرحبا ترحيبة كلها أطياب

أحلى من العنبر وأزكى من العود

للي حضروا لعرسنا أصحاب وأقراب

وبحضورهم زاد الفرح والهــــــنا زود

يزيدها روعة وحيا ونور وسط جبينه

غنّا الحمام وجر الأصـوات مـوّال

وتفتّحـت لأفراحنـا ورود وزهـور

وغيم المشاعر ليلة العمـر همـال

والليل ما ودّه علـى طلعـة النـور

فينا السعادة بانت ألـوان وأشكـال

إحساس بالأفراح والحـب مغمـور

مبروك لك يا معرّب العـم والخـال

نسل الذي في طيب الأفعال مشهـور

مبروك يا فـواز وتحتـار الأقـوال

ويحتار فيك الشعر والشعر معـذور

يا اللي كسبت المدح من طيب الأفعال

لا جا مجال الخير بالخيـر مذكـور

تستاهل اللي جت من الحسن تختـال

بنت الكريم الطيب الصايـب الشـور

ومبروك لك يا (اسم العروس) يا بنت الأبطـال

يا نجمة الحفلة ويا زينـة الحـور

يا درة (اسم العروس) ماهو من السهل تنطـال

إلا الشجيع إلا عشق غبـة بحـور

منها العيال ومنك يا (اسم العريس) المـال

وتقضون باق العمر بأفراح وسرور

الله يوفقكـم علـى كـل الأحــوال

ويجعل طريق العمر بالحب معمـور

ويكفي غلاكم كـل حاسـد وعُـذّال

ويكفيكم الدنيا صواديـف وشـرور.